CLICK HERE FOR BLOGGER TEMPLATES AND MYSPACE LAYOUTS »

الجمعة، 12 سبتمبر 2008

خليها علي الله








بجد ياجماعة انا مش عارفة ابدأ منين ولا اتكلم في ايه ؟؟؟؟؟؟؟؟؟؟

بجد زي القرءان ماقال مهما اتكلمنا وعدينا نعم ربنا علينا عمرنا ماهنقدر نحصاها.

انا ربنا بيقف جمبي كتير اوي وفعلا الانسان لما بيكون قريب من ربنا بيكون مرتاح كدة ده شعور انا دايما بحس بيه .

رمضان ده انا حاسة فيه بإختلاف فظيع جدا لاني انا في فتره طوييييلة اوووي بعدت عن ربنا ونسيت الصلاة وبعد ماكنت حافظه قرءان نسيته بجد كنت بتأثر اووي وانا بصلي والاقي نفسي نسيت الأيات القرءانيه واقعد اقول لنفسي يعني مابعد ماكنتي بتجودي القراءان وحافظه منه بقدر كويس تنسيه كدة؟؟؟؟ بجد كان سؤال دايما يحاوطني ماكنش بيروح من دماغي.

حبيت اسمي العنوان (خليها علي الله)لإن فعلا لما بتتوكل علي الله في اي حاجه وفي كل حاجه صدقوني بتعدي بسلام وبأمان ومن غير اي مشاكل بمجرد دعوة وعمل صالح تلاقي كل حاجه اتفتحت ادامك وبقت متيسرة بذمتكوا في اسهل من كدة؟؟

كمان حبيت اسمي العنوان(خليها علي الله)لأن انا بجد بحب الأغنيه دي جدا اللي بتغنيها( اصاله) بتقول فيها

(بدوب في حبي لربنا ومحبته عبادة) فعلا ياجماعة محبة ربنا عبادة وانا والله بحب ربنا اوووي اووووي بجد ونفسي يكون راضي عني.

وكمان بتقول (ياللي انت اقرب لي مني عمرك ماكنت بعيد الكون دة كله يمكن وانت بس اللي اكيد)

لما تكون مخنوق مدايق قرفان زهقان طهقان فرحان مبسوط كل حاجه تلاقيه جمبك ومعاك تخيل لما يكون حد عارف اللي جواك

وعارف اللي هيحصلك من قبل مايحصل اكيد اقرب لك من نفسك بجد ســـــــــــبــــــــــحــــــــــان الــــــــلـــــه.

كمان كل حاجه فعلا في دنيتنا دي ممكنة لكن ربنا اكيد في كل حاجه بجد الكلمة دي بحبها ومعناها بيأثر فيا اووووووي.

انا كل اللي خايفه منه حاجه واحدة اني بعد رمضان المدرسه هتيجي والدروس خايفه اتشغل عن الصلاة وقراءة القرءان لأن انا بجد

حابة الجو النظيف دة اوي يعني انا الحمدلله قربت اختم القرءان وربنا يسهل بقي.

عايزين ياجماعة نخرج من رمضان مكفرين عن كل حاجه حصلت مننا زعلت ربنا .

اكتر حاجه بتزعلني لما يكون ربنا مدينا حاجه واحنا كمان مش بنشكره عليها او بمعني اصح مش بنستغلها في مكانها.

كمان ربنا بيستر وبيسامح مرة واتنين و10 مش معني كدة اننا نسوق فيها وكل واحد يقول انا هبقي استغفر.

مستكتر علي ربك اللي خلقك 5 دقائق والله هما فعلا 5 دقائق تصليله وتشكره علي نعمه اللي مهما عديتها مش هتعرف تحصاها.

انا كنت في مرة بتفرج علي فيلم( اوقات فراغ) في مشهدين اثروا فيا جدا .

اول مشهد:لما الولد الشاب مات وهو وسط صحابه يعني ياجماعة لازم نلحق نفسنا هتيجي في يوم مماتك تفتكر كل الناس اللي ظلمتها وكل حاجه وحشه عملتها وهتقول ياريتني بس ارجع 5 دقايق اصلح اي حاجه من الحاجات دي عشان ربنا يسامحني وصدقني ساعتها مش هينفع طيب وعلي كل ده مانت في ايدك من دلوقتي .

تاني مشهد:لما الشباب خافوا من الموت وابتدوا يصلوا وراحو يسمعوا خطبة من الشيخ في الجامع بجد الشيخ ده قالهم كلمة اثرت فيا

اووووووي

عارفين قالهم ايه؟؟؟

لو رئيس الجمهورية طلب منك انك تقابله 5 مرات في اليوم وفي المعاد كذا هتروح ولا لاء؟؟؟؟؟؟؟؟؟

واحد منهم قال اه هروح.......

الشيخ قال له:مابالك ربك اللي خلقك بيناديلك 5 مرات في اليوم وانت مش عايز تقابله ؟؟؟؟

بجد احنا ناس عايزين نصلح نفوسنا ومن جوانا ومافيش انسان بيتغير الا لو هو فعلا ناوي يتغير..

صدقني الدين يسر مش عسر

واي واحد هيقرا الكلام دة لازم يتغير بجد ماحدش بيقوي الا بربنا وهو معاااااه..

مهما ضعفت او قويت هو معاك، مهما فرحت او بكيت برده هو معاك، مهما سعدت او شقيت صدقني معاااااااااااك

ياريت ياجماعة بجد نتغير نتغير نتغير.


احساسي بيقولي اني لغبطت شوية في الكلام صح؟؟؟بس صدقوني انا مش عارفه اتكلم فعلا في ايه ولا ايه كل اللي عاوزة اوصله لكم اننا كلنا نسااااااعد بعض عشان نتغير ونقرب من ربنا وتبقي نفوسنا قويه وياريت ياجماعه تتابعوا الأستاذ عمرو خالد بييجي علي قناة الرسالة كل يوم الساعة 10 مساء بيفصل ايات القرءان ودي هتبقي سهلة عشان تختموا المصحف ان شاء الله في شهر رمضان وربنا يوفقنا كلنا ان شاء الله.

24 هتعلق ولا اعلقك انا؟؟؟:

إخوانى حتى النخاع يقول...

أولللللل تعليق


انا والله كمان يا شيتوس حاسس إن رمضان دا احسن من الى قبله بكتييير


بس مندخلشى فيه بباور عالى أوى
وبعدين الباور يقل أول لما رمضان يقل يوم بعد يوم


وفعلا .. خليها على الله

بجد انا أشكرك عل البوست دا
وبجد لزما نتغير .. لزما نصلح نفوسنا


شكرااا ليكى جدااا على البوست دا يا شيتوس


أخووكى

princess يقول...

السلام عليكم
انتى ملخبطيش ولا حاجة
انتى بتعبرى عننا كلتا
كلنا جوانا المشاعر دى:)
يارب الللهم ما ثبتنا بعد رمضان
وادعى ربنا انه يثبتك وان شاء الله تكملى كده:)
تحياتى

ADMIN يقول...

نفاق يابنتى نفاااااااااااق

شيتوس الاهلاويه اووووي يقول...

اخواتي حتي النخاع*
ميرسي اوي يامصطفي علي مرورك
ويارب منورني دايما هنا وهناك
دمت ساااااالم
أختك شيتوس

شيتوس الاهلاويه اووووي يقول...

princess*
ازيك ياقمر؟
ميرسي ليكي اووووي علي كلامك الجميل دة
ويارب يتقبل مننا كلنا ان شاء الله
كل سنة وانتي طيبة
دمتي سااااالمة
أختك شيتوس

شيتوس الاهلاويه اووووي يقول...

شاب إسكندراني*
فهمني كلامك وقصدك وبعدين ارد عليك
هو ايه اللي نفاااااق وبنتك كمان
طيب فهمني بقي يابابا؟؟؟
كل سنة وانت طيب
ميرسي اووووي ليك علي مرورك
افهم قصدك وبعدين اقول نورتني
ولا ايييه؟؟؟
أختك شيتوس

صباح الصباح يقول...

دة املى فعلا انى اكون انسان زى ما باتمنى

يا رب ساعدنى

مجلة الأم الصغيرة يقول...

بجد ربنا يباركلك
بوست أكتر من راااااااائع

جزاكي الله كل خير

SHAPE YOUR LIFE (ABOALI) يقول...

خليها على الله
بس فى المكان والاوان الصح
يعنى لما تكن بتعمل صح
اكيد توفيق الرحمان
هايكون ليك صح
خليها على الله
وعيش عيشه صح
ان قولت فيه
كانى ومانى
ارفع راسك لفوق
وقول باعلى صوت
يارب
يكون بين ايدك
على طول
خليها على الله
وخلى عندك يقين
وافتكر كل يوم
انك انسان
عليه صك التكريم
من الرحمن الرحيم


تحياتى مع دعاء الغفران لك وللجميع

انى احبكم فى الله يقول...

بجد المدونه جميله واشكرك عليها وتحياتى ليكى على المضووع وفعلا لما بتتوكل على ربنا بتكون حاجه حلوة تحياتى ليكى على المدونه الجميله والبوست الجميل رمضان كريم

غير معرف يقول...

شيتوس

والله كلامك عقلانى احنا فعلا محتاجين

نقف مع نفسنا

خصوصا فى رمضان

اه سمعتى الماتش فى الاستاد

ولا على التلفزيون

عاوز اعرف درجة حرقة دمك

انا سمعته على التلفزيون وكنت هكسرة

امال لو سمعتة فى الاستاد كنت عملت ايه

رمضان كريم

عايش... ولكن !!!! يقول...

ما شاء الله
بجد كلامك بيعبر عنى انا كمان
اللهم ثبتنا يارب
دمتى موفقه
علاء

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف
حعلق المرة الجاية عشان انا خفت

غير معرف يقول...

ليت تغير الخال يكون بسهوله القول والكلام.. لكنا ارحنا واسترحنا... على كل حال الخير قادم ..
..........
لك تحياتى

Alaa El-Shaikh يقول...

ماشاء الله عليكي ربنا يبارك فيكي ويفتح عليكي ياارب .. انتي صغنونة بالنسبة لي .. ودي حاجة كويسة انه يطلع منك كلام زي دا .. ربنا يكرمك ويوفقك .. استمري بخطوات واثقة .. وان شاء الله ستصلي الى القمة ..
معلش أنا علقت على الموضوع دا بالذات لانه أول موضوع قريته في مدونتك ..
على فكرة .. لوعرفتي انا وصلت للمدونة دي ازاي مش هتصدقي .. يااااه كان حتة مشوار .. بس الحمد لله استفدت جدا من كلامك .. يرعاك الله .. سلام

Unknown يقول...

السلام عليكم

ازيك يا شيتوس

معجب بأهلاويتك لاني اهلاوي متطرف

واتفق معاكي في كل كلمة في البوست

واضافه بسيطه فقط

(من وجد الله فماذا فقد ومن فقد الله فماذا وجد )

دمتي موفقة وبخير



د/برقش

غير معرف يقول...

اخى الفاضل - اختى الفاضلة

كل عام وانتم بخير .... وتهنئة قلبية بقدوم عيد الفطر المبارك

وندعوكم لمشاركتنا حملتنا

********* ( من اجل منع المواقع الاباحية ) ************

فى انتظاركم لمشاركتنا هذا العمل الذى نعتقد اننا جميعا بحاجه الى

محاربته من اجل مستقبل امتنا ومن اجل النهى عن المنكر ..

كل عام وانتم بخير مرة ثانية وفى انتظار تواصلكم معنا

غير معرف يقول...

اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر

عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة

اول ايام عيد الفطر

ريمان يقول...

▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒

kol 3am w antom be5eer ▒▒♥▒▒♥▒▒

عــــــــيـــــد♥▒▒

ســــعـــــــــيــــد

♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒ ▒▒♥▒▒♥▒▒♥▒▒♥▒▒♥▒

prince4ever يقول...

سلام عليكم
كل سنه وانتي طيبه يا شيتوس
حسيت بيكي جدا في البوست بتاعك ده والله
لانها حاله بنمر بيها كلنا في فتره من فترات حياتنا..مش هقولك انتي لسه صغيره و العمر ادامك ..بس هقولك ان ربنا هو بس الهادي و لما سبحانه وتعالى بيقرر ان حد يتغير و يهتدي فده بيبقى في حينه و في الميعاد اللي ربنا محدده ..يعني التغيير مش بارادتنا بس احنا لما بنحس اننا لازم نتغير و نقرب من ربنا فده لانه سبحانه هو اللي بيبقى عايزنا و حاببلنا الهدايه
تحياتي
رامي

مجلة الأم الصغيرة يقول...

شيتوووووووووس أنا جيت تاني عشان أقولك كل سنة و انت طيبة و جميلة و أهلوية جداااااااااااااااا
و ليكي تهنئة خاصة عندي في المدونة
happy 3id :)

حسن حنفى يقول...

ايه فينك لاهنا ولا هناك ؟

غير معرف يقول...

موضوعك رااائع
او فوق راائع كمان
بجد ربنا يبارك فيكى يارب
نيره
بس فيـــــــــــــــــــــــنك

YaQeeN يقول...

السلام عليكم يا شيتوس..
اولا بمناسبة التعليق .....انتى اللى هتتعلقى مش انا..بقى يا شيخه كل ده مشوفكيش..هو انا ان ما زرتش حد يبقى محدش يعبر كده؟

يللا عموما سماح المرادى..علشان مشغولياتك يا ستى..

بمناسبة الموضوع..انا طبعا سعيده انى قرأت كلام زى ده..هو كلام مش ملخبط ولا حاجه..انا مش شايفه كده خالص على العكس انا حاسه ان الكلام منمق ومرتب جدا جدا..ويدخل القلب فعلا..

يعنى كلامك ده حالياً هيخلينى حالاً اهو اقوم اصلى ركعتين شكر لله..لان فعلا المفروض ده اللى يحصل..
تحبى اذودلك حاجه كمان..؟

لما حد من صحابك او معارفك يقدملك خدمه صغيره كدهو..بتقدميله الشكر وانتى محرجه وخجوله ومش عارفه تقوليله ايه من الاحراج..وممكن زوقيا تتصلى بيه تليفونيا للشكر او تزوريه..

نفس الحال مع ربنا سبحانه وتعالى بس للاسف احنا بنتعامل بقلة ذوق(معذرة فى الكلمه)بجد احنا قلالات الذوق مع ربنا سبحانه وتعالى جدا..

كلامك مريح جدا يا شيتوس وخلينا شوفك لاحسن هعلك انا والله ههههههههه..

دمتى فى امان الله..